صوبائی وزیر کامران بنگش رمیز راجہ پر برس پڑے

ہم نے پاکستان میں کرکٹ کی بحالی کیلیے خون بہایا ہے، پشاور نے کھیل کو متعدد ہال آف فیمرز دیئے، وزیر برائے اعلیٰ تعلیم (فوٹو : فائل)

---

خیبرپختونخوا کے وزیر برائے اعلیٰ تعلیم کامران بنگش پی سی بی چیئرمین رمیز راجہ پر برس پڑے اور کہا ہے کہ ہم نے پاکستان میں کرکٹ کی بحالی کے لیے خون بہایا ہے، الفاظ کا انتخاب اہم ہے، خاص طور پر جب وہ پی سی بی چیئرمین کی جانب سے ہو۔

اپنے ٹویٹ میں کامران بنگش نے کہا ہے کہ پشاور نے کھیل کو متعدد ہال آف فیمرز دیئے، ہم نے پاکستان میں کرکٹ کی بحالی کے لیے خون بہایا ہے، الفاظ کا انتخاب اہم ہے، خاص طور پر جب وہ پی سی بی چیئرمین کی جانب سے ہو۔

Dear @iramizraja!#PeshawarIsnotARedFlag. Not for life,not for love,and definitely Not for Cricket. We've given multiple hall of Famers to the game & we certainly bleed cricket. Selection of words matters! Esp when they're coming from the head of @therealPCB.
1/5

— Kamran Khan Bangash PK82 🇵🇰 (@kamrankbangash) December 17, 2022

کامران بنگش نے کہا کہ پہلے پشاور اور پھر خیبرپختونخوا ہمیشہ سے تنوع کی بلندیوں پر رہے ہیں، جلد ہی 2 بین الاقوامی کرکٹ اسٹیڈیمز کی تکمیل کے ساتھ بین الاقوامی میچوں کی میزبانی کرے گا، پشاور سے ایسا ٹیلنٹ سامنے آئے گا جو پچوں پر دہائیوں تک راج کرسکیں گے، پشاور نے 4 دہائیوں تک اسکواش پر غلبہ حاصل کیا۔

یہ پڑھیں : حیات آباد کرکٹ اسٹیڈیم پی سی بی کی تحویل میں دینے کا فیصلہ

صوبائی وزیر نے مزید کہا کہ میرے حلقے کا ارباب نیاز اسٹیڈیم پہلے ہی بین الاقوامی جنگ کا اسٹیڈیم رہا ہے، تمام چیلنجز کے باوجود پشاور نے مقابلہ کیا، انسانیت، معاش اور بہت کچھ کے شعبوں میں کامیابیوں کی چوٹی پر پہنچ گیا، پشاور کے لوگ مہمان نواز، امن اور محبت کے لوگ ہیں۔