اظہر علی کو ساتھی کھلاڑیوں کی جانب سے خراج تحسین

قومی ٹیم نے فضاء میں بلے لہرا کر اظہر علی کو خراج تحسین پیش کیا

ویب ڈیسک December 19, 2022

پاکستان ٹیم کے کھلاڑی اظہر علی کو خراج تحسین پیش کرتے ہوئے۔ فوٹو : پی سی بی/ٹویٹر

پاکستان کے مایانہ ناز بلے باز اظہر علی کو کیریئر کے آخری ٹیسٹ میچ میں آؤٹ ہونے کے بعد ٹیم کے بقیہ کھلاڑیوں نے خراج تحسین پیش کیا۔

کراچی میں کھیلے گئے سیریز کے آخری ٹیسٹ کی دوسری اننگز میں اظہر علی بڑی اننگز کھیلنے میں ناکام رہے اور انگلینڈ کے اسپنر جیک لیچ کی گیند پر صفر پر آؤٹ ہوگئے۔

For the final time.

Farewell, @AzharAli_ 💚#PAKvENG | #UKSePK pic.twitter.com/IBlftcxxXR
— Pakistan Cricket (@TheRealPCB) December 19, 2022

اظہر علی کے آؤٹ ہونے کے بعد انگلش ٹیم کے کپتان بین اسٹوکس سمیت دیگر کھلاڑیوں نے انہیں الوداع کیا جبکہ قومی ٹیم نے فضاء میں بلے لہرا کر اظہر علی کو خراج تحسین بھی پیش کیا۔

سابق کپتان اظہر علی نے ٹیسٹ کیریئر میں ویسٹ انڈیز کے خلاف 302 رنز کی اننگز بھی کھیلی تھی تاہم انگلینڈ کے خلاف حالیہ ٹیسٹ سیریز کو اپنے لیے وہ یادگار نہ بنا سکے۔