ق لیگ سے سیٹ ایڈجسٹمنٹ پر تحریک انصاف کی کمیٹی تشکیل

کمیٹی میں شاہ محمود قریشی ، فواد چوہدری اور پرویز خٹک شامل ہیں۔

---

آئندہ الیکشن میں تحریک انصاف اور مسلم لیگ ق کے درمیان سیٹ ایڈجسٹمنٹ کے معاملے میں پیش رفت ہوگئی۔

تحریک انصاف نے شاہ محمود قریشی کی سربراہی میں کمیٹی تشکیل دے دی ۔ کمیٹی میں فواد چوہدری اور پرویز خٹک بھی شامل ہیں۔ کمیٹی کا پہلا اجلاس کل طلب کر لیا گیا۔

پاکستان تحریک انصاف کے سینئر رہنما فواد چوہدری نے تصدیق کرتے ہوئے بتایا ہے کہ چیئرمین پی ٹی آئی عمران خان نے سیٹ ایڈ جسٹمنٹ کے لئے کمیٹی بنادی ہے، کمیٹی انتخابی ایڈجسٹمنٹ کے معاملات کو دیکھے گی۔

اطلاعات کے مطابق مسلم لیگ (ق) نے پنجاب اسمبلی تحلیل کرنے کے بدلے اگلے عام انتخابات میں پی ٹی آئی کیساتھ جنوبی پنجاب، گجرات ڈویژن اور سیالکوٹ میں 25 سے 30 صوبائی نشستوں کا مطالبہ کیا ہے۔