فیفا ورلڈکپ کی اختتامی تقریب میں نورا فتیحی کی شاندار پرفارمنس
فرانس اور ارجنٹینا کے درمیان فیفا ورلڈ کپ فائنل میچ سے قبل دوحہ میں شاندار اختتامی تقریب کا انعقاد کیا گیا
معروف اداکارہ اور رقاصہ نورا فتیحی نے فیفا ورلڈ کپ کی اختتامی تقریب میں اپنی لائیو پرفارمنس سے شائقین کے دل جیت لیے۔
فرانس اور ارجنٹینا کے درمیان فیفا ورلڈ کپ کے فائنل میچ سے قبل دوحہ میں شاندار اختتامی تقریب کا انعقاد کیا گیا۔
نورا فتیحی نے عرب سے تعلق رکھنے والی نامور گلوکاراؤں بلقیس، رحمہ ریاض اور منال کے ساتھ مل کر اپنے گانے 'لائٹ اپ دی اسکائے' پر لائیو پرفارمنس دی۔
نورا فتیحی لائیو پرفارمنس میں سیاہ رنگ کے فرل والے ٹاپ اور ٹائٹس پہنے بہت خوبصورت نظر آ رہی تھیں۔
اختتامی تقریب کے دوران اداکارہ کو بھارت کی نمائندگی کرتا دیکھ کر بھارتی صارفین سوشل میڈیا پر فخر کا اظہار کرتے نظر آ رہے ہیں۔
ایک صارف نے نورا فتیحی کی تعریف کرتے ہوئے لکھا ہے کہ فیفا ورلڈ کپ کی اختتامی تقریب میں نورا فتیحی کو پرفارم کرتے دیکھنا میری آنکھوں کے لیے سب سے دلکش منظر تھا۔
ایک اور صارف نے لکھا ہے کہ نورا فتیحی اور دیپیکا پڈوکون ورلڈ کپ کی اختتامی تقریب کی جان تھیں، آپ مانیں یا نہ مانیں، ان کو دیکھ کر خوشی تو آپ کے بھی چہرے پر آئی تھی۔