فیروز خان کو بچوں کیلئے 80 ہزار روپے ماہانہ اخراجات دینے کا حکم

بیٹے سلطان کی کسٹڈی 5 روز کیلئے فیروز خان کے حوالے کرنے کا بھی حکم

---

فیملی کورٹ شرقی نے معروف اداکار فیروز کو بیٹے سلطان کیلئے 50 اور بیٹی فاطمہ کیلئے 30 ہزار ماہانہ خرچ دینے کا حکم دیدیا۔

فیملی کورٹ نے معروف اداکار فیروز خان کی بچوں سے ملاقات، حوالگی سے متعلق درخواست عبوری اخراجات کی درخواست پر فیصلہ سنا دیا۔

عدالت نے فیروز خان کو مہینے کی 14 تاریخ سے پہلے بیٹے سلطان کیلئے 50 اور بیٹی فاطمہ کیلئے 30 ہزار ماہانہ دینے کا حکم دیدیا۔

عدالت نے فیروز خان کے بیٹے سلطان کی کسٹڈی 5 روز کیلئے باپ کے حوالے کرنے کا بھی حکم دیتے ہوئے کہا کہ سلطان 22 دسمبر سے پانچ روز کے لیے والد فیروز خان کے ساتھ ہوگا۔ بطور والد فیروز خان کا حق ہے وہ بچوں کے ساتھ وقت گزاریں۔ فیروز خان کی بیٹی کی عمر سات ماہ ہے وہ ماں کے بغیر نہیں رہ سکتی۔

بچوں کی والدہ نے زبانی بتایا کہ انکا بیٹا سلطان پہلے بھی اپنے والد کے ساتھ رات میں رہ چکا ہے۔

عدالت نے فیروز خان کو ایک لاکھ روپے زر ضمانت جمع کرانے کا بھی حکم دیتے ہوئے کہا کہ جب تک سلطان فیروز خان کے پاس رہے گا فیروز خان کا پاسپورٹ اور شناختی کارڈ عدالتی ناظر کے پاس جمع رہے گا۔