بلاول نیویارک سے غیر ملکی خواہشوں پر عمل کا عندیہ دے رہے ہیںشیخ رشید

انٹرنیشنل ایجنڈاسامنےآناشروع ہوگیاہے، شیخ رشید (فوٹو فائل)

---

عوامی مسلم لیگ کے سربراہ شیخ رشید احمد نے کہا ہے کہ بلاول نیو یارک سے غیر ملکی خواہشات پر عمل کا عندیہ دے رہے ہیں۔

سماجی رابطوں کی ویب سائٹ ٹوئٹر پر جاری بیان میں شیخ رشید نے وزیرخارجہ پر تنقید کرتے ہوئے کہا کہ بلاول کا نیو یارک میں بیان ملک میں نئی جنگ کا آغاز ہوگا۔ بلاول غیر ملکی خواہشوں پر عمل درآمد کا عندیہ دے رہے ہیں۔

 

معاشی بحران کے ساتھ سیاسی بحران مزید گہرا ہوگیاہے اسمبلیاں چھوڑنا حق ہے بلاول کا نیویارک میں بیان ملک میں نئی جنگ کا آغاز ہوگا بلاول غیر ملکی خواہشوں پر عمل درآمد کا عندیہ دے رہے ہیں سٹاک مارکیٹ مندی ڈالر مہنگا مہنگائی20فیصد زائد آئل بل اور دوائیوں کے پیسے نہیں کیسےچلےگاپاکستان

- Sheikh Rashid Ahmed (@ShkhRasheed) December 22, 2022

پنجاب کی غیر یقینی سیاسی صورت حال پر انہوں نے کہا کہ معاشی بحران کے ساتھ سیاسی بحران مزید گہرا ہوگیاہے ، اسمبلیاں چھوڑنا حق ہے۔ اسٹاک مارکیٹ مندی ،ڈالر مہنگا، مہنگائی 20 فیصد زائد، آئل بل اور دواؤں کے پیسے نہیں، کیسےچلےگاپاکستان؟۔

سابق وزیر داخلہ نے مزید کہا کہ حکومت کی تبدیلی ملک اورعوام کےگلےپڑگئی ہے۔ انٹرنیشنل ایجنڈاسامنےآناشروع ہوگیاہے۔ آئینی بحران ملک کی جمہوریت کےلیےخطرہ ہے۔

انہوں نے کہا کہ ملک معیشت کی تباہی سےٹوٹتےہیں، سرحدوں پر حملےسےنہیں۔ حکومت نام کی کوئی چیزنہیں، موت کےکنویں کی سرکس لگی ہوئی ہے۔ گورنرپنجاب ازخودڈی نوٹیفکیشن کافیصلہ آسانی سےنہیں کرسکتا۔