مراکشی فٹبالرز کا وطن واپسی پر ہیروز کی طرح پُرتپاک استقبال

کھلاڑی ماؤں کے ہمراہ بادشاہ کی استقبالیہ تقریب میں شریک ہوئے (فوٹو: ٹوئٹر)

---

قطر فٹبال ورلڈکپ میں اسپین اور پرتگال جیسی مضبوط حریفوں شکست دیکر سیمی فائنل تک رسائی حاصل کرنے والی مراکشی ٹیم کا وطن پہنچنے پر شاندار استقبال کیا گیا۔

فیفا ورلڈکپ کے سیمی فائنل میں پہنچنے والی مراکش پہلی عرب اور افریقی ٹیم ثابت ہوئی، میگا ایونٹ کی عمدہ کارکردگی کو دنیا بھر میں پذیرائی ملی۔ واپسی پر کھلاڑیوں کے لیے بس پریڈ کا انعقاد کیا گیا، ہزاروں مراکشی شائقین فٹبال اپنے ہیروز کی جھلک دیکھنے کیلیے سڑکوں پر نکل آئے جنہوں نے ٹیم کو پُرتپاک انداز میں خیرمقدم کیا۔

مزید پڑھیں: فیفا ورلڈکپ؛ کروشیا اور مراکش تاریخ رقم کرسکتے ہیں؟

بس کی چھت پر موجود کوچ ولید ریگاریگوئی نے بھی مداحوں کے نعروں کا جواب ہاتھ لہرا کر دیا جبکہ مراکشی فٹبالرز نے اپنی ماؤں کے ہمراہ بادشاہ کے استقبالیے میں شرکت کی، تقریب کے دوران بادشاہ نے مراکشی رائل فٹبال فیڈریشن کے صدر فوزی لقجع اور قومی کوچ ولید الرکراکی کو آرڈر آف دی تھرون سے نوازا۔

ورلڈکپ میں پرتگال کے خلاف مراکش کی تاریخی جیت کے بعد سفیان بوفال کو بھی والدہ کے ساتھ اسٹیڈیم میں جیت کا جشن مناتے دیکھا گیا تھا۔

مراکش کا سیمی فائنل تک حیران کن سفر

مراکش نے اپنا پہلا میچ کروشیا کے خلاف کھیلا جو بغیر کسی گول کے برابر رہا، دوسرے میچ میں مراکش نے سنسنی پھیلاتے ہوئے بیلجیم کو 0-2 سے شکست دیدی، اگلے میچ میں کینیڈا 1-2 سے ہرایا۔ سابق عالمی چیمپیئن اسپین کو 0-3 سے پنلٹی پر شکست دیکر اپ سیٹ کیا اور پھر کواٹر فائنل میں رونالڈ کا ورلڈکپ جیتنے کا خواب چکنا چور کرتے ہوئے پرتگال کو 0-1 سے شکست دیکر ٹورنامنٹ سے باہر کردیا۔

تیسری پوزیشن کے میچ میں انہیں کروشیا سے شکست کا سامنا کرنا پڑا تاہم وہ ایونٹ میں چوتھی پوزیشن حاصل کرنے میں کامیاب ہوئے۔

Rabat, Morocco 🇲🇦 as seen from the national team’s bus

Unbelievable 😱

🎥: @SoufianKhaliha1
pic.twitter.com/ljinDIL4lv

— Nico Cantor (@Nicocantor1) December 20, 2022

Morocco sure knows how to party. A brilliant World Cup homecoming in Rabat! 🎉🇲🇦 pic.twitter.com/zUkNZVPDxp

— Ben Jacobs (@JacobsBen) December 20, 2022

Morocco players and their mothers posed with the King of Morocco, Mohammed VI, during a ceremony at the royal palace in Rabat 🇲🇦 pic.twitter.com/oRSHjCA2Xe

— B/R Football (@brfootball) December 20, 2022

Morocco receives a hero's welcome in Rabat, becoming the first African team to reach Semifinals at the World Cup 🇲🇦 🏆 pic.twitter.com/26127F2mU0

— Muslim (@Muslim) December 20, 2022