ثناء میر نے نئی انتظامی کمیٹی کے عہدے کا چارج سنبھالنے سے انکار کردیا

سابق کرکٹر نے سماجی رابطے کی سائٹ ٹوئٹر پر اطلاع دی (فوٹو: ٹوئٹر)

---

قومی ویمنز ٹیم کی سابق کپتان ثناء میر نے پاکستان کرکٹ بورڈ (پی سی بی) کی نئی انتظامی کمیٹی کے عہدے کا چارج نہ سنبھالنے کا اعلان کردیا۔

سماجی رابطے کی سائٹ ٹوئٹر پر قومی ویمنز ٹیم کی سابق کپتان اور کمنٹیٹر ثناء میر نے آگاہ کیا کہ میں منجمنٹ کا شکریہ ادا کرنا چاہتی ہوں، جنہوں نے مجھ پر اعتماد کیا تاہم میں فیڈریشن آف انٹرنیشنل کرکٹرز ایسوسی ایشنز (فیکا) میں فرائض سر انجام دے رہی ہوں اس لیے ذمہ داری ادا نہیں کرسکوں گی، ان تمام لوگوں کا شکریہ جنہوں نے مجھے مبارکباد دی۔

قبل ازیں وزیراعظم اور پاکستان کرکٹ بورڈ (پی سی بی) کے پیٹرن ان چیف شہباز شریف نے بورڈ کے معاملات چلانے کیلیے 14 رکنی کمیٹی تشکیل دیدی، جس میں ثناء میر کا نام بھی قابلِ ذکر ہے۔

مزید پڑھیں: پی سی بی کا 2014 والا آئین بحال، 14رکنی کمیٹی کے سربراہ نجم سیٹھی ہوں گے

کمیٹی کے سربراہ نجم سیٹھی ہیں جبکہ شکیل شیخ، گل زادہ، عائز سید، تنویر احمد، گل محمد کاکڑ، ایاز بٹ، نعمان بٹ، شاہد آفریدی، شفقت رانا، ہارون رشید، مصطفی رمدے اور چوہدری عارف سعید کے نام بھی شامل ہیں۔

دوسری جانب وفاقی کابینہ نے پی سی بی کے 2014 والے آئین کو بحال کرکے 2019 کا آئین منسوخ کردیا گیا ہے۔

It is very humbling to be named in the PCB mgmt com🙏🏼.I would like to express my gratitude to all decision makers & everyone around the world who congratulated me.For now,I'll not be able to participate as I look fwd to contribute through my independent voice in FICA & thru comm.

— Sana Mir ثناء میر (@mir_sana05) December 23, 2022