مودی سرکار میں ہندوانتہاپسند بے قابو نمازجمعہ کی ادائیگی رکوا دی

موقع پرموجود پولیس اہلکاروں نے ہندو انتہاپسندوں کونہیں روکا:فوٹو:اسکریب گریب

---

بھارت میں ہندو انتہاپسندوں نے ایک بار پھر مسلمانوں کو نماز جمعہ کی ادائیگی سے روک دیا۔

بھارتی میڈیا کے مطابق ریاست ہریانہ کے علاقے گروگرام میں مسلمان کھلی جگہ پر نماز جمعہ کی ادائیگی کے لیے جمع ہوئے تو انتہاپسند ہندو تنظیم بجرنگ دل کے غنڈے وہاں پہنچ گئے اورمسلمانوں کو زبردستی نماز پڑھنے سے روک دیا۔ہندو انتہاپسندوں نے نمازیوں کو جان سے مارنے کی دھمکیاں دیں اور کچھ نمازیوں کا گھر تک پیچھا بھی کیا۔

Today is Friday. Some Muslims were praying in an open space in Gurgaon, India. A group of Hindu supremacists disrupts the namaz and drives away praying Muslims. pic.twitter.com/zLiCXHv27T

— Ashok Swain (@ashoswai) December 23, 2022

مسلمانوں کی نماز جمعہ کے لیے بچھائی گئی صفوں کو اٹھانے کی ویڈیو سوشل میڈیا پر وائرل ہوگئی۔ پولیس اہلکار موقع پر موجود تھے تاہم انہوں نے حسب معمول نماز جمعہ کے اجتماع کو زبردستی روکنے والے انتہاپسندوں کے خلاف کوئی کارروائی نہیں کی۔