بھارت میں پاکستان زندہ باد کا نعرہ لگانے پر 5 نوجوان گرفتار

نوجوانوں نے میچ جیتنے پر پاکستان زندہ باد کا نعرہ لگایا تھا، فوٹو: فائل

---

بھارتی ریاست بہار میں بیڈمنٹن میچ میں پاکستان زندہ باد کے نعرے لگانے پر 5 نوجوانوں کو گرفتار کرلیا گیا۔

بھارتی میڈیا کے مطابق ریاست بہار کے علاقے بھوجپور میں ایک بیڈمنٹن میچ کے آخر میں فاتح ٹیم کے کپتان نے ٹرافی اُٹھا کر 'پاکستان زندہ باد' کے نعرے لگائے جس کی ویڈیو وائرل ہوگئی۔

ویڈیو میں دیکھا جا سکتا ہے کہ بیڈمنٹن ٹورنامنٹ جیتنے پر فاتح ٹیم کو ٹرافی دی جاتی ہے اور ٹرافی لینے والا لڑکا اپنی دیگر ساتھیوں کے ہمراہ پاکستان زندہ باد کے نعرے لگاتے ہیں۔

Breaking News: A group of people raised "Pakistan Zindabad" slogans after winning a badminton match at Koilwar block, Bhojpur, Bihar

Bhojpur SP Sanjay Singh has taken cognizance of the video

Till now, Mohammad Arman, Tanvir, Kallu & Sonu arrested after pic.twitter.com/v9scf0LGXR

— Ashwini Shrivastava (@AshwiniSahaya) December 23, 2022

ویڈیو وائرل ہونے پر بی جے پی کے مقامی رہنما نے تھانے میں شکایت درج کرادی جس پر پولیس نے 5 نوجوانوں کو گرفتار کرلیا تاہم ابھی ان کے خلاف کوئی مقدمہ درج نہیں کیا گیا۔

یہ خبر بھی پڑھیں : بھارت؛ میچ کے دوران پاکستان زندہ باد کا نعرہ لگانے پر 3 طلبا گرفتار

گرفتار ہونے والے 5 ملزمان میں سے 4 کی شناخت محمد تنویر عالم، محمد ارمان، کلّو اور سونو کے نام سے ہوئی ہے۔ پولیس کا کہنا ہے کہ نوجوان لڑکوں سے تفتیش جاری ہے۔

عینی شاہدین کا کہنا ہے کہ ٹورنامنٹ میں شامل ٹیموں کے نام دوسرے ممالک کے نام پر رکھے گئے تھے اور ٹورنامنٹ جیتنے والی ٹیم کا نام ہی پاکستان تھا۔ اس لیے لڑکوں نے یہ نعرے لگائے۔