پاکستان کو ہوم گراؤنڈ پر شکست دینا آسان نہیں ہوگا کیوی کپتان

پاکستان کی کنڈیشنز سے خود کو ہم آہنگ کرنے کی کوشش کررہے ہیں، ٹم ساؤتھی

Staff Reporter December 25, 2022

پاکستان کی کنڈیشنز سے خود کو ہم آہنگ کرنے کی کوشش کررہے ہیں، ٹم ساؤتھی (فوٹو: ٹوئٹر)

نیوزی لینڈ کرکٹ ٹیم کے کپتان ٹم ساؤتھی کا کہنا ہے کہ طویل عرصے بعد پاکستان میں ٹیسٹ سیریز کے لیے آنا اچھا لگا، گرین شرٹس کو کمزور نہیں سمجھتے۔

کراچی میں میڈیا سے گفتگو کرتے ہوئے نیوزی لینڈ کے کپتان ٹم ساؤتھی نے کہا کہ پاکستان کی کنڈیشنز سے خود کو ہم آہنگ کرنے کی کوشش کریں گے، انگلینڈ نے پاکستان میں جاحانہ کرکٹ کھیل کر سیریز جیتی، امید ہے کہ ہم بھی اچھی پرفارمنس دیں گے۔

پلئینگ الیون کے حوالے سے انکا کہنا تھا کہ کنڈیشنز سے ہمکنار ہونے کے بعد ٹیم کا اعلان کریں گے، ملک کی کپتانی کرنا اعزاز ہے کوشش ہوگی جیت سے آغاز کریں اور ہوم ٹیم کو پریشر میں لائیں۔

مزید پڑھیں: شاہنواز، ساجد اور حمزہ کے انتخاب میں میری مشاورت شامل تھی، بابراعظم

ٹم ساؤتھی نے مزید کہا کہ پاکستان کو ہوم گراؤنڈ میں شکست دینا آسان نہ ہوگا،کراچی وکٹ اسپنرز کے لیے ساز گار رہتی ہے اس لیے اسپنرز کو موقع دیں گے۔