پاکستانی اداکارہ ارمینہ خان کے ہاں بیٹی کی پیدائش
اداکارہ نے اپنے ہاں پہلی بچی کی پیدائش پر خدا کے ساتھ لوگوں کی نیک خواہشات پر ان کا شکریہ بھی ادا کیا
پاکستانی اداکارہ ارمینہ خان کے ہاں پہلے بچے کی پیدائش ہوئی ہے۔
اداکارہ نے 25 دسمبر کو اپنی انسٹاگرام پوسٹ میں مداحوں کو اپنے ہاں بیٹی کی پیدائش سے متعلق آگاہ کیا۔
انہوں نے بیٹی کے ہمراہ تصویر شیئر کی جس میں انہوں نے نوزائیدہ بچی کو گود میں اٹھا رکھا ہے، تصویر میں اداکارہ کی بیٹی کا چہرہ واضح طور پر دکھائی نہیں دیتا۔
اداکارہ نے اپنے ہاں پہلی بچی کی پیدائش پر خدا کا شکر ادا کرتے ہوئے لوگوں کی نیک خواہشات پر ان کا شکریہ بھی ادا کیا۔ ارمینہ کے شوہر فیصل خان نے بھی اپنے ہاں بیٹی کی پیدائش کی تصدیق کرتے ہوئے بیٹی کے نام کا مطلب بھی بتایا ہے۔ انہوں نے بتایا کہ ان کی بیٹی کا نام 'آہمیلی آئلہ رضا خان' جو کہ مختلف زبانوں کا امتزاج ہے۔
دونوں کی پوسٹس پر ان کے مداحوں نے نیک خواہشات کا اظہار کرتے ہوئے انہیں والدین بننے پر مبارک باد بھی پیش کی۔
اداکارہ نے اپنے ہاں بچے کی متوقع پیدائش کی تصدیق گزشتہ ماہ نومبر میں کی تھی، تاہم اس وقت انہوں نے یہ نہیں بتایا تھا کہ وہ کب تک ماں بن جائیں گی۔
ارمینہ خان نے 2020 میں اپنے دیرینہ دوست فیصل خان سے لندن میں خاموشی سے شادی کی تھی۔