شاہ رخ خان کی ’پٹھان‘ نے ریلیز سے قبل ہی 270 کروڑ کمالئے
’پٹھان‘ کا بجٹ تقریباً 250 کروڑ بھارتی روپے بتایا گیا ہے جو پاکستانی کرنسی میں 680 کروڑ روپے بنتے ہیں
بالی وڈ کنگ شاہ رخ خان کی نئی فلم 'پٹھان' نے ہندو انتہا پسندوں کی بائیکاٹ مہم کے باوجود ریلیز سے قبل ہی 270 کروڑ روپے سے زائد کی کمائی کرلی۔
فلم کے او ٹی ٹی رائٹس تقریباً 100 کروڑ روپے میں فروخت ہو ئے ہیں اور یہ رقم پاکستانی کرنسی میں 270 کروڑ روپے سے زائد بنتی ہے۔
پٹھان کے اسٹریمنگ رائٹس مشہور سروس ایمیزون پرائم نے لئے ہیں اور فلم دو یا تین ماہ بعد او ٹی ٹی پلیٹ فارم پر دستیاب ہوگی۔
میگا کاسٹ اور میگا بجٹ کی فلم 25 جنوری کو سینماؤں کی زینت بنے گی۔
شاہ رخ خان چار برس بعد فلم کے ساتھ بڑے پردے پر واپس آرہے ہیں اور ان کے ہمرا دیپکا پڈوکون اور جان ابراہام بھی اداکاری کے جوہر دکھائیں گے۔
فلم کے گانے 'بے شرم رنگ' دیپیکا کے زعفرانی رنگ کے لباس پر پر بھارت بھر میں احتجاج ریکارڈ ہوئے ہیں۔