باچاخان ائیر پورٹ پر دبئی سے آنیوالے مسافروں سے ایک کلو سے زائد سونا برآمد

فوٹو: فائل

---

کلکٹریٹ آف کسٹمز انفورسمنٹ پشاور نے باچا خان انٹرنیشنل ائیرپورٹ پر کارروائی کرتے ہوئے دبئی سے آنے والی پرواز کے مسافروں سے96 تولہ سونے کے زیورات برآمد کرلئے۔

کسٹم حکام نے دبئی سے آنے والی پرواز ای کے 636 کے مسافروں کے سامان کی چیکنگ کے دوران پشاور کے رہائشی مطیع اللہ ولد وارث خان اور نورین بی بی ولد پرویزاقبال سے 1168 گرام (96 تولہ) سونے کے زیورات بر آمد کر لئے،تفتیش کے دوران مسافرقانونی دستاویزات فراہم کرنے میں ناکام رہے۔

حکام کی طرف سے کسٹم ایکٹ 1969 کے تحت مزید کارروائی کرتے ہوئے سونا/زیورات قبضے میں لے کر ملزمان کو حراست میں لے لیا گیا۔