نئے صوبےکمیشن کادوبارہ جائزہ لیاجاسکتا ہے فہمیدہ مرزا

قومی اسمبلی کی اسپیکر ڈاکٹر فہمیدہ مرزا نے کہا ہے کہ نئے صوبوں کے بارے میں پارلیمانی کمیشن کا دوبارہ جائزہ لیاجا سکتاہے۔


کمیشن کے لیے پارلیمنٹ سے ن لیگ کے ارکان کے نام سینیٹ میں قائد حزب اختلاف سینیٹر اسحاق ڈاراور پارٹی کے چیف وہپ شیخ آفتاب احمد نے دیے تھے، نگران وزیراعظم بننے کی خواہش نہیں کیونکہ دوبارہ انتخابات میں حصہ لے کر اسمبلی میں آنا ہے، نئی اسمبلی سے حلف بھی میں نے ہی لینا ہے، نگران سیٹ اپ کے بارے میں حکومت اور اپوزیشن کے درمیان پل کا کردار ادا کرنے کو تیار ہوں۔ ان خیالات کا اظہار انھوں نے جمعہ کو پارلیمنٹ ہائوس میں پارلیمانی رپورٹرز ایسوسی ایشن کے دفتر کے افتتاح کے بعد صحافیوں سے بات چیت کرتے ہوئے کیا۔