گوادر میں پولیس اہلکار کی شہادت مولانا ہدایت الرحمان کے خلاف مقدمہ درج ہوگا بلوچستان حکومت

فوٹو فائل

---

بلوچستان حکومت کے ترجمان نے کہا ہے کہ گوادر میں حق دو تحریک کے مظاہرین کی فائرنگ سے پولیس اہلکار شہید ہوگیا، جس پر مولانا ہدایت الرحمان کے خلاف قتل کی ایف آئی آر درج کی جارہی ہے۔

گوادر میں صورت حال پر بلوچستان حکومت کے ترجمان نے بیان جاری کیا کہ گوادر میں حق دو تحریک کے مشتعل مظاہرین کی اشتعال انگیزی جاری ہے، مشتعل مظاہرین نے فائرنگ کرکے پولیس اہلکار کو شہید کر دیا، پولیس اہلکار پر مظاہرین کی جانب سے براہ راست فائرنگ کی گئی، جس سے اُسکی گردن پر گولی لگی اور وہ موقع پر ہی شہید ہوگیا۔

مزید پڑھیں: حق دو تحریک کے رہنماوٴں کی گرفتاری کیخلاف گوادر میں شٹر ڈاوٴن ہڑتال

انہوں نے کہا کہ واقعہ انتہائی افسوسناک اور باعث مذمت ہے، پولیس اہلکار کی شہادت پر حق دو تحریک کے سربراہ مولانا ہدایت الرحمان کے خلاف قتل کا مقدمہ درج کرایا جائے گا۔ ترجمان نے کہا کہ اشتعال انگیزی کا مقصد پر امن ماحول اور مذاکرات کی فضا کو سبوتاژ کرنا ہے۔