کنگنا رناوت نے تونیشا شرما کی موت کو قتل قرار دے دیا

تونیشا شرما نے ڈرامے کے سیٹ پر خودکشی کرلی تھی (اسکرین شاٹ)

---

بالی ووڈ کی بولڈ اداکارہ کنگنا رناوت نے سیٹ پر خودکشی کرکے جان گنوا بیٹھنے والی اداکارہ تونیشا شرما کی موت کو قتل قرار دے دیا۔

بھارتی میڈیا رپورٹ کے مطابق متنازع بیانات کیلئے مشہور اداکارہ کنگنا رناوت نے تونیشا شرما کی موت کو قتل قرار دیتے ہوئے بھارتی وزیرِاعظم نریندر مودی سے درخواست کی ہے کہ اداکارہ کی موت کی تحقیقات کروائیں۔

کنگنا رناوت نے اپنے آفیشل انسٹاگرام پر اسٹوری پوسٹ کی جس میں انہوں نے طویل نوٹ لکھا 'خواتین ہر چیز کا مقابلہ کر سکتی ہیں چاہے وہ محبت کا نقصان ہو، شادی ہو یا رشتہ ہو مگر اس سے نہیں نمٹ سکتی کہ اس کی محبت اور کمزوری کا فائدہ اٹھایا گیا ہے'۔



اداکار نے لکھا کہ تونیشا کو محبت میں دھوکہ ملا وہ ایسی حالت میں تھی جس میں وہ خود پر بھی بھروسہ نہیں کر سکتی تھی ایسی حالت میں زندہ یا مردہ ہونے کا بھی فرق محسوس نہیں ہوتا اور وہ اپنی زندگی ختم کرنے کا فیصلہ کر لیتی ہے، براہ کرم جان لیں کہ یہ اس نے اکیلے نہیں کیا یہ قتل ہے۔



کنگنا رناوت نے وزیرِ اعظم مودی سے درخواست کی کہ خواتین کو ٹکڑوں میں کاٹ کر پھینکنے والوں، ان پر تیزاب پھینکنے والوں اور انہیں خود کشی پر اُکسانے والوں کے خلاف سخت قانون بنائیں اور انہیں بغیر مقدمے فوری موت کی سزا دیں۔

یہ بھی پڑھیں: تونیشا شرما کی خودکشی، ساتھی اداکار شیزان خان گرفتار

View this post on Instagram

A post shared by Tunisha Sharma (@_tunisha.sharma_)

یاد رہے کہ بھارتی ٹی وی اداکارہ تونیشا شرما نے ڈرامے کے سیٹ پر خودکشی کرلی تھی تونیشا شرما کی والدہ نے بیٹی کے مشہور ڈرامے 'علی بابا ' کے ساتھی اداکار شیزان خان پر تونیشا کو خودکشی پر اکسانے کا الزام لگایا ہے اداکارہ کی والدہ نے انہیں مرکزی مجرم قرار دیتے ہوئے انکشاف کیا کہ اس نے ان کی بیٹی کو دھوکہ دیا ہے۔