طیارے کے مسافرلڑ پڑے ویڈیو سوشل میڈیا پر وائرل

طیارہ بنکاک سے بھارتی شہرکولکتہ جارہا تھا:فوٹو:فائل

---

تھائی لینڈ سے بھارت جانے والے طیارے میں مسافروں میں ہاتھا پائی ہوگئی۔

بھارتی میڈیا کے مطابق نجی ائیرلائن کی بنکاک سے کولکتہ جانے والی پرواز میں سوار ایک مسافر نے اڑان بھرنے سے قبل عملے کی جانب سے بتائی جانے والی احتیاطی تدابیراختیار کرنے سے انکار کردیا۔

View this post on Instagram

A post shared by India Today (@indiatoday)

پرواز کا عملہ مسافر کو سمجھانے کی کوشش کرتا رہا تاہم ناکام رہا۔ کچھ دیگر مسافروں نے بات نہ ماننے والے مسافرسے بات کی جو بڑھتے بڑھتے لڑائی میں تبدیل ہوگئی۔ مسافروں نے ہدایت پر عمل نہ کرنے والے مسافر کی پٹائی لگا دی۔

طیارے کے اندر مسافروں کے جھگڑے کی ویڈیو سوشل میڈیا پر وائرل ہوگئی۔