افغانستان میں خواتین پر پابندیاں اقوام متحدہ نے متعدد امدادی سرگرمیاں معطل کردیں

—فائل فوٹو

---

اقوام متحدہ نے افغانستان میں طالبان کی جانب سے خواتین امدادی کارکنوں پر پابندی کے بعد متعدد امدادی سرگرمیاں عارضی طور پر بند کردیے۔

الجزیرہ کی رپورٹ کے مطابق اقوام متحدہ کے ایمرجنسی ریلیف کوآرڈینیٹر مارٹن گریفتھس کے ساتھ اقوام متحدہ کی اہم ایجنسیوں اور بین الاقوامی امدادی گروپوں کے سربراہوں نے طالبان سے مطالبہ کیا کہ وہ انسانی ہمدردی کے شعبے میں کام کرنے والی خواتین پر پابندی کو واپس لے اور "خواتین پراسکول، کالج، یونیورسٹی اور عوامی مقامات پر میں جانے پر پابندی لگانے والی تمام ہدایات کو کالعدم قرار دے۔

مزیدپڑھیں: جی سیون کا طالبان سے خواتین امدادی کارکنوں پر عائد پابندی فوری ہٹانے کا مطالبہ

 

اقوام متحدہ کے نمائندوں اور امدادی اداروں نے ایک مشترکہ بیان میں کہا کہ "خواتین عملہ افغانستان میں انسانی ہمدردی سے متعلق سرگرمیوں کے ہر پہلو کی کلید ہیں۔"

The decision by #Afghanistan’s de facto authorities to ban women from working in
NGOs is a major blow.

We urge them to reverse this directive, and all directives banning women from schools, universities and public life.

Full statement by ⁦@iascch⁩ https://t.co/yWzHrP6YP0

— Tom Fletcher (@UNReliefChief) December 28, 2022

 

بیان میں کہا گیا کہ خواتین کو کام کرنے سے روکنا ہزاروں افغان شہریوں کے لیے جان لیوا ہوسکتا ہے، پہلے ہی کچھ اہم پروگراموں کو خواتین عملے کی کمی کی وجہ سے عارضی طور پر روکنا پڑا ہے۔

بیان میں مزید کہا گیا کہ "ہم ان آپریشنل رکاوٹوں کو نظر انداز نہیں کر سکتے جو اب ایک انسانی برادری کے طور پر ہمیں درپیش ہیں۔"