اسلام آباد انتخابات الیکشن کمیشن کیخلاف توہین عدالت کارروائی کیجائے پی ٹی آئی

حکومت ایسا نظام بنانے کی کوشش کر رہی ہے جس میں جمہوریت ہو مگر کوئی الیکشن نہ ہو، اسد عمر

---

پاکستان تحریک انصاف نے الیکشن کمیشن کی جانب سے اسلام آباد میں بلدیاتی انتخاب نہ کرانے کو عدالتی حکم کی کھلی توہین قرار دے دیا۔

تحریک انصاف کے مرکزی سیکرٹری جنرل اسد عمر نے الیکشن کمیشن کیخلاف سخت کارروائی کا مطالبہ کردیا۔ اسد عمر نے کہا کہ یہ امپورٹڈ حکومت ایسا نظام بنانے کی کوشش کر رہی ہے جس میں جمہوریت ہو مگر کوئی الیکشن نہ ہو، یہ حکومت جمہوریت کا جنازہ نکال رہی ہے۔

یہ امپورٹڈ حکومت الیکشن سے اتنی خوف زدہ ہے کہ جہاں الیکشن ہوتا ہے وہاں سے یہ بہانے بنا کر بھاگتے ہیں
الیکشن کمیشن سے سوال ہے کہ عدالت میں اگر کیس تھا تو فیصلہ تو آپ کے حق میں یا مخالف بھی آسکتا تھا مگر آپ کی تیاری کیوں نہیں تھی؟#الیکشن_کراو_ملک_بچاو

pic.twitter.com/ktAKbT5D7p

— 🇬🇧سپورٹس مین🇵🇰 (@aminshergoraya) December 31, 2022

فواد چوہدری نے کہا کہ اسلام آباد میں ووٹر پولنگ اسٹیشن کے باہر کھڑے ہیں لیکن عدالت کے واضح احکامات کے باوجود انتخابات روک دیے گئے ہیں۔

انہوں نے کہا کہ ووٹ سے خوفزدہ حکومت اپنے کٹھ پتلی الیکشن کمشنر کے ساتھ ملکرعوام اورآئین کا مذاق اڑا رہی ہے، عدالت اپنے فیصلے پر عملدرآمد کروائے اورتوہین عدالت کی کارروائی کی جائے۔

مزیدپڑھیں: ہائیکورٹ کا اسلام آباد میں بلدیاتی انتخابات آج ہی کرانے کا حکم

علی اعوان نے کہا کہ چیف الیکشن کمشنر سکندر راجہ نے رانا ثناء اللہ کے ایما پر ہائی کورٹ کے فیصلے کو جوتے کی نوک سے اڑا دیا، الیکشن کمیشن ن لیگ کا ذیلی ادارہ ہے۔

ہائی کورٹ کے واضح احکامات کے باوجود ECP اور امپورٹڈ حکومت کی ہٹ دھرمی اسلام آباد میں بلدیاتی انتخابات کے دن کسی پولنگ اسٹیشن پر عملہ اور سامان نہ پہنچ سکا ووٹرز پولنگ اسٹیشن پہنچ چکے مگر عملہ غائب
ان کو صرف مرضی کے الیکشن اور مرضی کے فیصلے ہی پسند آتے ہیں#الیکشن_کراو_ملک_بچاو pic.twitter.com/rnOMWVYxlq

— Ali Awan (@AliAwanPTI) December 31, 2022

انہوں نے کہا کہ اس طرح عوام کو ان کے حق سے محروم کرکے ملک نہیں چل سکتا ہم اس کھلی غنڈہ گردی ذمہ داروں کے خلاف توہین عدالت کی پٹیشن دائر کر رہے ہیں۔