شاہ رُخ خان کی فلم پٹھان کا گانا ’بےشرم رنگ‘ سجاد علی کے گانے کا چربہ نکلا

سوشل میڈٰیا پر فلم پٹھان کے اس گانے کو شدید تنقید کا نشانہ بنایا گیا ہے(فائل فوٹو)

---

بالی ووڈ کنگ شاہ رُخ خان اور دیپیکا پڈوکون کی نئی فلم 'پٹھان' کا گانا پاکستانی گلوکار سجاد علی کے گانے کا چربہ نکلا۔

پاکستانی گانے اور دھن چرانے کی روایت کو برقرار رکھتے ہوئے بھارت نے ایک مرتبہ پھر اپنی آنے والی نئی فلم پٹھان میں پاکستانی گلوکار سجاد علی کے 26 سال پرانے گانے کی دھن شامل کر لی۔

سجاد علی نے سوشل میڈیا پر ایک ویڈیو پیغام میں بتایا کہ وہ یوٹیوب پر نئے گانے سُن رہے تھے کہ ان کو بھارت کا ایک نیا گانا سُن کر اپنا 25 سے 26 سال پرانا گانا یاد آگیا۔

After listening to a new movie's song, It reminded me of my song I released 26 years ago, Ab Ke Hum Bichare. Enjoy!! pic.twitter.com/X86Jw34R8k

- Sajjad Ali (@sajjad_official) December 26, 2022

سجاد علی نے ویڈیو پیغام میں اس گانے کی دھن بھی بجائی اور گانا گا کر بھی سُنایا جس کو سن کر اندازہ لگایا جا سکتا ہے کہ 'بےشرم' رنگ پاکستانی گانے کی دھن کو نقل کر کے بنایا گیا ہے۔

یاد رہے کہ سوشل میڈیا پر پہلے ہی دیپیکا اور شاہ رُخ خان کی فلم پٹھان کے اس گانے کو شدید تنقید کا نشانہ بنایا گیا ہے۔

The chartbuster song #BesharamRang from #Pathaan hit the fastest 150M+ views on YouTube.#ShahRukhKhan pic.twitter.com/AyGkO7xmBy

- Team Shah Rukh Khan Fan Club (@teamsrkfc) December 31, 2022

گانے میں دیپیکا کے لباس پر تنقید کی گئی ہے جبکہ اس گانے کو ہالی ووڈ کے گانے کی نقل بھی کہا جارہا ہے۔