فواد اور ماہرہ کے بھارتی مداحوں کیلئے بری خبر سامنے آگئی

فوٹو: انسٹاگرام

---

پاکستانی سپر اسٹار فواد خان اور ماہرہ خان کے انڈین فلمی مداحوں کیلئے ایک بری خبر سامنے آئی ہے۔

پوری دنیا میں کامیابی کے جھنڈے گاڑنے والی پاکستانی بلاک بسٹر فلم ' دی لیجنڈ آف مولا جٹ' کو بھارت میں ریلیز نہیں کیا جائے گا۔

ہندوستان ٹائمز کے مطابق بلال لاشاری کی فلم 'دی لیجنڈ آف مولا جٹ' کی انڈین ریلیز منسوخ کردی گئی ہے۔

یہ بھی پڑھیں : فلم ''دی لیجنڈ آف مولا جٹ'' بھارت میں 30 دسمبر کو ریلیز کی جائے گی

اس سے قبل 'بالی وڈ ہنگامہ' نے دعویٰ کیا تھا کہ فلم کی ریلیز کو کچھ عرصے کیلئے ملتوی کیا گیا ہے لیکن اب نئی خبر کے مطابق فلم بھارتی سینماؤں کی زینت نہیں بنے گی۔

یہ بھی پڑھیں : 'دی لیجنڈ آف مولا جٹ' کو انڈیا میں ریلیز نہیں ہونے دیں گے، ہندو انتہا پسند

بھارت میں فلم کی ریلیز کے حقوق زی اسٹوڈیوز نے حاصل کیے تھے لیکن بھارتی انتہا پسندوں کی جانب سے مزاحمت کے بعد اب فیصلہ کیا گیا ہے کہ فلم کو ریلیز نہیں کیا جائے گا۔

#मनसेदणका... मनसेच्या इशाऱ्यानंतर 'द लिजंड ऑफ मौला जट' या पाकिस्तानी चित्रपटाचं प्रदर्शन संपूर्ण भारतात रद्द...! 👊🇮🇳@MNSAmeyaKhopkar @ThakareShalini आणि संपूर्ण 'महाराष्ट्र नवनिर्माण चित्रपट कर्मचारी सेनेच्या' आंदोलनाला यश ! 👏👏👏 pic.twitter.com/f6KHq4YucL

- MNS Adhikrut - मनसे अधिकृत (@mnsadhikrut) December 30, 2022

مہاراشترا ناونرمن سینا کے رہنما امیہ کھوپکر نے فلم کی منسوخی پر ایک ٹویٹ میں اسے راج ٹھاکرے کی وارننگ کا اثر قرار دیا ہے۔