لاہور میں نیو ایئر نائٹ پر کریک ڈاؤن301 افراد گرفتار 270 مقدمات درج
لاہور میں ہوائی فائرنگ پر 143، ون ویلنگ پر 73، آتش بازی پر 19، شراب نوشی پر 61 ملزمان گرفتار کیے گئے، پولیس
لاہور پولیس نے نیو ایئر نائٹ پر ہوائی فائرنگ، ون ویلنگ، آتش بازی اور شراب نوشی کے الزام میں 301 افراد گرفتار کرلیا۔
سی سی پی او غلام محمود ڈوگر کے مطابق نیو ایئر نائٹ پر مجموعی طور پر 301 افراد گرفتار جبکہ 270 مقدمات درج کیے گئے۔ انہوں نے بتایا کہ ہوائی فائرنگ پر 143، ون ویلنگ پر 73، آتش بازی پر 19، شراب نوشی پر 61 ملزمان گرفتار کیے گئے۔
مزیدپڑھیں: سال نو کی آمد، پابندی کے باوجود کراچی فائرنگ سے گونج اٹھا؛ 22زخمی
غلام محمود ڈوگر نے کہا کہ خواتین سے چھیڑ خانی، ہراساں کرنے پر 03 ملزمان کو گرفتار کیا گیا جبکہ سنیب چیکنگ کے دوران قانون شکنی پر 60 سے زائد موٹر سائیکلز مختلف تھانوں میں بند کی گئیں۔
سی سی پی او نے بتایا کہ ملزمان کے قبضے سے 101 پسٹل، 07 بندوقیں، 13رائفلز، ہزاروں کی تعداد میں گولیاں جبکہ 798 لٹر سے زائد شراب، 5400گرام چرس، بڑی مقدار میں آتش بازی کا سامان بھی برآمد کیا گیا۔