صدف کنول نے شادی کی درست عمر بتادی

لڑکیوں کو اپنی پڑھائی اور فیملی پر توجہ دینی چاہئے، اداکارہ (فوٹو: ٹویٹر)

---

پاکستانی اداکارہ صدف کنول نے شادی کے انتظار میں بیٹھی کنواری لڑکیوں کو نکاح کی درست عمر بتادی ہے۔

اداکارہ نے اپنے شوہر اداکار شہروز سبزواری کے ساتھ ایک نجی ٹی وی شو میں شرکت کی جہاں انہوں نے اپنے کیریئر اور زندگی کے مختلف تجربات کو اپنے مداحوں کے ساتھ شیئر کیا۔

یہ بھی پڑھیں : مرد ہونے کے ناطے شوہر کو اعلیٰ مقام حاصل ہونا چاہیے، صدف کنول

انہوں نے کنواری لڑکیوں کو مشورہ دیا کہ جب وہ سمجھدار ہوجائیں تو ان کو شادی کرلینی چاہئے۔

صدف کنول کا کہنا تھا شادی کے بجائے لڑکیوں کو کچھ اور چیزوں پر غور کرنا چاہئے، لڑکیاں مستقبل کے متعلق نہیں سوچتیں اور ان کے ذہن میں صرف ایک فیشن سے بھرپور شادی کی تقریب کا تصور ہوتا ہے۔

انہوں نے کہا کہ لڑکیوں کو اپنی پڑھائی اور فیملی پر توجہ دینی چاہئے جب ان کی عمر ہو جائے اور کوئی صحیح بندہ مل جائے تو پھر شادی کرلیں۔

واضح رہے کہ صدف کنول شادی کے متعلق اپنے خیالات کا بے باکی سے اظہار کرتی ہیں اور انہوں نے ماضی میں یہ بھی کہا تھا کہ عورت کو اپنے شوہر کی عزت کرنی چاہئے اور مرد ہونے کے ناطے شوہر کا مقام اعلیٰ ہوتا ہے۔