مودی سرکارمیں اندھیرراج اتراکھنڈ میں مسلمانوں کے4 ہزارسے زائد گھرگرانے کا حکم

بھارتی ریاست اترا کھنڈ کی ہائی کورٹ نے مسلمانوں کے گھرمسمار کرنے کا حکم دیا ہے:فوٹو:سوشل میڈیا

---

بھارت کی مودی سرکار میں مسلمانوں پر زمین تنگ ہوگئی۔ اترا کھنڈ میں مسلمانوں کے 4 ہزارسے زائد گھر گرانے کا حکم دے دیا گیا۔

بھارتی میڈیا کے مطابق اتراکھنڈ کی ہائی کورٹ نے مسلمانوں کی آبادی والے علاقوں میں 4 ہزارسے زائد گھروں پر بلڈوزر چلانے کا حکم دے دیا۔

اتراکھنڈ ہائیکورٹ میں مسلمانوں پرسرکاری زمین پر قبضے کا الزام لگا کر گھر گرانے کی درخواست دی گئی تھی جس پر عدالت نے جانبداری اور متعصبانہ رویے کا مظاہرہ کرتے ہوئے مسلمانوں کے گھروں کو مسمار کرنے کا حکم دے دیا۔

عدالت کے یکطرفہ فیصلے کیخلاف اتراکھنڈ کے مختلف شہروں میں میں احتجاج جاری ہے۔ نینی تال میں سخت سردی کے باوجود سیکڑوں خواتین نے احتجاجی مظاہرہ کیا اور بے گھر ہونے سے بچنے کی دعائیں کیں۔

This is not Iran or Afghanistan, this is India! Thousands of Muslim women are protesting and praying in Nainital, India, because Hindu right wing regime is going to demolish 4500 Muslim homes. pic.twitter.com/2tQm5cuuIq

— Ashok Swain (@ashoswai) January 1, 2023

مسلمان دشمن مودی سرکارنے اسرائیل کے نقش قدم پر چلتے ہوئے مقبوضہ کشمیر اور بھارت کے مختلف شہروں میں مسلمانوں کے گھروں کو مسمار کرنے کی مہم شروع کررکھی ہے۔