فلم ’کچھ کچھ ہوتا ہے‘ کی چائلڈ اسٹار انجلی نے منگنی کرلی
اداکارہ ثناء سعید مشہور فلم ’اسٹوڈنٹ آف دی ایئر‘ اور ’فگلی‘ میں بھی کردار ادا کر چکی ہیں
شاہ رُخ خان اور کاجول کی مشہورِ زمانہ فلم 'کچھ کچھ ہوتا ہے' میں انجلی کا کردار ادا کرنے والی اداکارہ ثناء سعید نے منگنی کرلی۔
فلم کچھ کچھ ہوتا ہے میں شاہ رُخ خان کی بیٹی کا کردار نبھانے والی بھارتی اداکارہ ثناء سعید نےاپنے قریبی دوست اور ہالی ووڈ کے ساؤنڈ ڈیزائنر سابا واگنر سے منگنی کرلی۔
اداکارہ نے فوٹو اینڈ ویڈیو شیئرنگ ایپ انسٹاگرام پر اپنی منگنی کی تصاویر اور ویڈیوز پوسٹ کی ہیں جس میں اداکارہ کے منگیتر کو انہیں پروپوز کرتے دیکھا جا سکتا ہے۔
بالی ووڈ انڈسٹری کی مشہور شخصیات اور اداکارہ کے مداحوں کی جانب سے ان کیلئے نیک تمناؤں کا اظہار کیا جا رہا ہے۔
یاد رہے کہ فلم کچھ کچھ ہوتا ہے سے بطور چائلڈ اسٹار بالی ووڈ میں قدم رکھنے والی اداکارہ ثناء سعید مشہور فلم 'اسٹوڈنٹ آف دی ایئر' اور 'فگلی' میں بھی کردار ادا کر چکی ہیں۔