آرمی چیف عاصم منیر کا سعودی عرب اور امارات کا سرکاری دورہ

آرمی چیف جنرل سید عاصم سلیم اور سعودی وزیر دفاع شہزادہ خالد بن سلمان کی ملاقات میں عسکری تعاون پر اتفاق کیا گیا (فوٹو سعودی خبرایجنسی)

---

آرمی چیف جنرل سید عاصم منیر گزشتہ روز سے سعودی عرب اور متحدہ عرب امارات کے سرکاری دورے پر ہیں۔

 

سمو وزير الدفاع يلتقي رئيس أركان الجيش الباكستاني.https://t.co/9z16Pp7cT4#واس_عام pic.twitter.com/aBF261JnNK

- واس العام (@SPAregions) January 4, 2023

پاک فوج کے شعبہ تعلقات عامہ (آئی ایس پی آر) کے مطابق آرمی چیف 10 جنوری تک دورے پر ہیں، اس دوران وہ برادر ملکوں کی قیادتوں سے ملاقاتیں کریں گے۔

ترجمان کے مطابق ملاقاتوں میں فوجی تعاون کے ساتھ دو طرفہ امور پر بات چیت ہوگی۔

دوسری جانب سعودی خبر ایجنسی کے مطابق آرمی چیف جنرل سید عاصم منیر نے گزشتہ روز سعودی وزیر دفاع شہزادہ خالد بن سلمان سے دارالحکومت ریاض میں ملاقات کی، جس میں دونوں ممالک کے مابین عسکری و دفاعی تعاون بڑھانے پر اتفاق کیا گیا۔

سعودی وزیر دفاع نے جنرل سید عاصم منیر کو آرمی چیف بننے پر مبارک باد دیتے ہوئے دونوں ملکوں کے درمیان تعلقات مزید مضبوط بنانے کی ضرورت پر زور دیا۔ ملاقات میں خطے کی صورت حال اور دیگر بین الاقوامی معاملات پر بھی بات چیت کی گئی۔