سلمان سے دشمنی کی انتہا کہ شاہ رخ اپنے دوست کرن جوہرسے ہی ناراض

کنگ خان کرن جوہر سے صرف اس لئے ناراض ہیں کہ انہوں نے اپنے ٹی وی شو میں سلو میاں کو موعو کرلیای۔ فوٹو: فائل

---

سلمان خان اور شاہ رخ خان کے درمیان جاری سرد جنگ سے کون واقف نہیں جب کہ دونوں ستارے کئی مرتبہ ایک دوسرے سے گلے بھی مل چکے ہیں لیکن ان کے درمیان رنجشیں ہیں کہ ختم ہونے کا نام نہیں لے رہی اور اب معاملہ یہاں تک پہنچ گیا کہ کنگ خان بالی ووڈ میں اپنے سب سے قریبی دوست کرن جوہر سے صرف اس لئے ناراض ہوگئے ہیں کہ انہوں نے اپنے ٹی وی شو میں سلو میاں کو موعو کرلیا تھا۔

بھارتی میڈیا کے مطابق کرن جوہر کے ٹی وی ٹاک شو ''کافی ود کرن'' کے رواں سیزن میں شاہ رخ خان نے شرکت کا وعدہ کیا تھا تاہم کرن جوہر نے اپنے شو کی ابتدا سلمان خان اور ان کے والد سلیم خان کو مدعو کرکے کی۔ اس شو میں سلمان خان نے کئی ایسی باتیں کیں جس کی گونج کئی دنوں تک بالی ووڈ اور سوشل میڈیا میں سنائی دیتی رہی، انٹرویو نشر ہونا تھا کہ شاہ رخ خان اپنے دیرینہ دوست کرن جوہر سے ہی ناراض ہوگئے، کنگ خان کی کرن جوہر سے ناراضگی اس قدر شدید تھی کہ انہوں نے ناصرف ''کافی ود کرن ''شو میں آنے کا وعدہ توڑ ڈالا اورکرن جوہرسے رابطہ ہی منقطع کردیا ۔

اب صورتحال یہ ہے کہ کرن جوہر کے شو کے آخری دو اقساط نشر ہونا باقی ہیں اور ان کی عکسبندی بھی مکمل ہوچکی ہے، جس کا مطلب یہ ہے کہ شاہ رخ خان کم از کم ''کافی ود کرن''کے رواں سیزن میں تو جلوہ گر نہیں ہوپائیں گے جو دو دوستوں کے درمیان خلیج کو مزید بڑھائے گی کیونکہ کرن جوہر کے شو کو عوامی پزیرائی نہیں مل رہی۔