افغانستان میں برطانوی شہزادے ہیری کے فوجی کیمپ پرحملہ2امریکی اہلکار ہلاک
حملے کے وقت شہزادہ ہیری بھی کیمپ میں موجود تھے تاہم وہ حملے میں محفوظ رہے، برطانوی میڈیا۔
ہلمند صوبے میں بیشن نامی نیٹو فوجی کیمپ پر افغان عسکریت پسندوں کے حملے کے باعث دو امریکی فوجی ہلاک اور متعد زخمی ہوگئے۔
ISLAMABAD:
صوبہ ہلمند میں برطانوی شہزادے ہیری کے فوجی کیمپ پرافغان عسکریت پسندوں کا حملے میں 2امریکی فوجی ہلاک اورمتعدد زخمی ہوگئے ۔
برطانوی میڈیا کے مطابق شہزادہ ہیری حملےمیں محفوظ رہے، حملہ آوروں نے فوجی اڈے پر راکٹ اور مارٹر گولے فائر کئے جس کے بعد ہلکے ہتھیاروں سے فائرنگ بھی کی گئی، حملے کے نتیجے میں کئی طیاروں کو بھی نقصان پہنچا۔ کسی گروپ نے حملے کی ذمہ داری قبول نہیں کی تاہم طالبان پہلے ہی شہزادہ ہیری کو مارنے کا اعلان کر چکے ہیں۔