دوسرے ون ڈے میں ناقص فیلڈنگ ٹیم کی شکست کی وجہ قرار

(تصویر: پاکستان کرکٹ بورڈ)

---

پاکستان کرکٹ ٹیم کے آل راؤنڈر محمد نواز نے نیوزی لینڈ کے خلاف دوسرے ون ڈے انٹرنیشنل میچ میں ٹاس ہارنے اور ناقص فیلڈنگ کو پاکستان کی شکست کی وجوہات قرار دے دیا۔

میچ کے بعد میڈیا سے گفتگو کرتے ہوئے انہوں نے کہا کہ قومی کپتان بابراعظم نے اچھی کارکردگی کا مظاہرہ کیا تاہم ہمارے دیگر کھلاڑی توقعات پر پورا اترنے میں ناکام رہے۔

ان کا کہناتھا کہ پاکستان کی طرف سے اچھی بولنگ کا مظاہرہ کیا گیا۔ البتہ، متعدد اہم کیچز ڈراپ کردیے گئے۔اگر وہ کیچ نہ چھوڑے جاتے تو میچ کی صورتحال مختلف ہوتی۔

محمد نواز نے کہا کہ وہ اپنی ذاتی کارکردگی سے بہت خوش ہیں۔بہتر سے بہتر پرفارمنس دے کر توقعات پر پورا اترنے کی کوشش کرتےہیں۔

انہوں نے امید ظاہر کی کہ پاکستان تیسرے اور آخری ون ڈے انٹرنیشنل میچ میں جیت سے ہمکنار ہو کر سیریز اپنے نام کرنے میں کامیاب ہو جائے گا۔