اسرائیلی فوج کی پُرتشدد کارروائیوں میں اضافہ ہوا ہے، فوٹو: فائل
عالمی خبر رساں ادارے کے مطابق مغربی کنارے کے علاقے جنین کے پناہ گزین کیمپ پر اسرائیلی فوج نے چڑھائی کردی۔ سرچ آپریشن کے نام پر فائرنگ کرکے دو فلسطینی نوجوانوں کو شہید کردیا۔
اسرائیلی فوج کی فائرنگ سے ایک نوجوان زخمی بھی ہوا۔ اسلامی جہاد نامی تنظیم نے تصدیق کی ہے شہید اور زخمی ہونے والے نوجوان اس کے رکن تھے۔
ادھر اسرائیلی فوج کے ترجمان کا کہنا ہے کہ تین کار سوار نوجوانوں نے چوکی پر فائرنگ کی جن کا تعاقب کیا گیا اور پناہ گزین کیمپ پہنچ کر فائرنگ کے تبادلے میں 2 نوجوان ہلاک اور ایک زخمی ہوگیا۔
فلسطین کی وزارت صحت کا کہنا ہے کہ اسرائیلی فوج نے نوجوانوں کو اسپتال پہنچانے میں تاخیر سے کام لیا۔ اگر نوجوانوں کو بروقت اسپتال لایا جاتا تو ان کی جان بچائی جا سکتی تھی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔