قلات میں پاک فوج کے ہیلی کاپٹر نے ہنگامی لینڈنگ کی ہے تاہم ہیلی کاپٹر اور پائلٹ محفوظ ہیں۔

آئی ایس پی آر کی جانب سے جاری بیان کے مطابق آرمی ایوی ایشن کا ہیلی کاپٹر معمول کی پرواز پر تھا کہ فنی خرابی کے باعث اسے ہنگامی لینڈنگ کرنا پڑی، واقعے میں ہیلی کاپٹر کو کسی بھی قسم کا نقصان نہیں پہنچا جبکہ پائلٹ بھی محفوظ رہا۔

واضح رہے کہ بلوچستان کے کئی علاقے دہشت گردی کی لپیٹ میں ہیں اور امن کے قیام کے لئے سیکیورٹی فورسز اپنی ذمہ داریاں نبھا رہی ہیں۔