آسٹریلیا نے اسپین کو 3-4 سے شکست دے کر مینز ہاکی ورلڈ کپ کے سیمی فائنل میں 12 ویں مرتبہ جگہ بنالی۔

جیریمی ہائیورڈ نے 2 پنالٹی کارنرز کو کارآمد بناکر ٹیم کی جیت میں کلیدی کردار ادا کیا، فلائن اوگیلیو اور کپتان آران زیلویسکی نے بھی ایک ایک گول کیا، اسپینش کپتان مارک میریلاس فائنل وسل سے 4 منٹ قبل پنالٹی اسٹروک پر گول نہیں کرسکے.

ناکام سائیڈ کے لیے زیویئر گیسپرٹ، مارک ریکاسینس اور مارک میریلاس نے ایک ایک گول کیا۔ دفاعی چیمپئن بیلجیئم نے نیوزی لینڈ کو 2-0 سے شکست دے کر فائنل فور میں جگہ بنائی۔