وکٹوریہ آذرنیکا کو نووک جوکووچ کی وجہ سے اپنے ساتھ ہونے والا سلوک یاد آگیا۔

جوکووچ پر انجری کا جھوٹا بہانہ بنانے کا الزام عائد کیا جارہا ہے، جس پر آذرنیکا نے کہا کہ مجھے خود پر عائد ہونے والے چیٹنگ کے الزامات کو پس پشت ڈالنے میں 10 برس لگے، میں خود مقابلے کے دوران تکلیف میں مبتلا ہوئی، جس کی وجہ سے میچ تاخیر کا شکار ہوا اور مجھ پر بے ایمانی کا الزام عائد کیا گیا۔

انہوں نے کہا کہ مجھے اس کو بھلانے میں طویل وقت لگ گیا، اسی لیے میں جوکووچ کی صورتحال کو اچھی طرح سمجھتی اور اس معاملے میں ان کے ساتھ ہوں۔