چیئرمین پی سی بی کی بابراعظم کو مبارکباد مگر کیوں

آئی سی سی کے اہم ترین ایوارڈز جتنا محنت، لگن اور عزم کا صلہ ہیں، نجم سیٹھی (فوٹو: ایکسپریس نیوز)

---

چیئرمین پاکستان کرکٹ بورڈ (پی سی بی) مینجمنٹ کمیٹی نجم سیٹھی نے بابراعظم کو آئی سی سی مینز کرکٹر آف دی ایئر کی سر گار فیلڈ سوبرز ٹرافی جیتنے پر مبارکباد دی ہے۔

نجم سیٹھی نے قومی ٹیم کپتان کو مبارکباد دیتے ہوئے کہا کہ بابراعظم نے آئی سی سی کے اہم ترین ایوارڈز جیت کر پاکستان کا سر فخر سے بلند کیا، انکی کارکردگی اور کامیابیاں محنت، لگن اور عزم کا صلہ ہیں۔

انہوں نے کہا کہ مجھے یقین ہے کہ آئی سی سی کے یہ ایوارڈز پوری پاکستان کرکٹ ٹیم کو اس سال اچھی کارکردگی دکھانے کے لیے حوصلہ افزائی دیں گے۔

اس موقع پر چیئرمین پی سی بی نے حارث رؤف، محمد رضوان اور ندا ڈار کو بھی مینز اور ویمن کی ٹی20 ٹیم آف دی ایئر میں شامل ہونے پر مبارکباد دی۔

Babar Azam in 2022:
44 matches
2598 runs
54.12 average
8 centuries and 17 half-centuries#ICCAwards pic.twitter.com/FQDQqbdkmV

— Pakistan Cricket (@TheRealPCB) January 26, 2023