اسلاموفوبیا میں مبتلا انتہا پسندوں کی حرکت کو سختی سےمسترد کرتے ہیں سوئیڈن

انتہاپسندوں کی حرکت سرکاری موقف کی عکاس نہیں ، پاکستان میں سوئیڈش سفارتخانہ

ویب ڈیسک January 27, 2023

سوئیڈن میں قرآن پاک کی بیحرمتی کی گھناؤنی حرکت پر مسلمان ممالک میں احتجاج جاری ہے:فوٹو:فائل

عالم اسلام کے شدید دباؤ پرسوئیڈن نے ملک میں قرآن پاک کی بیحرمتی کرنے والوں کو اسلاموفوبیا کا شکار قرار دے دیا۔

پاکستان میں سوئیڈن کے سفارت خانے کی جانب سے جاری بیان میں کہا گیا ہے کہ سوئیڈش حکومت اسلاموفوبیا میں مبتلا انتہا پسندوں کی حرکت کو سختی سے مسترد کرتی ہے۔

The Islamophobic act committed by a far-right extremist in #Sweden is strongly rejected by the Swedish Government. This act does not in any way reflect the opinions of the Swedish Government. pic.twitter.com/J2bXfmGXdE
— Sweden in Pakistan (@SwedeninPK) January 27, 2023

بیان میں مزید کہا گیا ہے کہ انتہاپسندوں کا اقدام کسی طور پربھی سوئیڈن کی حکومت کے موقف کا عکاس نہیں ہے۔ سوئیڈن میں گزشتہ دنوں انتہاپسندوں کی جانب سے قرآن پاک کی بے حرمتی کے مذموم واقعے کے بعد مسلمان ملکوں نے سوئیڈن سے شدید احتجاج کیا ہے اور مختلف ممالک میں احتجاجی مظاہرے کیے جارہے ہیں۔

سوئیڈن کے دارالحکومت اسٹاک ہوم میں مسلمانوں نے گھناؤنی حرکت کے خلاف مظاہرہ کیا۔