وزیراعظم سے اسکواش کے سابق عالمی چیمپئن جان شیر خان کی ملاقات
پوری قوم کو آپ پر فخر ہے، ملک میں اسکواش کے کھیل کو مقبول بنانے میں آپ کی خدمات قابل قدر ہیں، شہباز شریف
وزیراعظم محمد شریف نے اسکواش کے سابق عالمی چیمپئن جان شیر خان سے ملاقات کی اور اُن کی خدمات کو سراہا ہے۔
ایکسپریس نیوز کے مطابق وزیراعظم محمد شہباز شریف کی اسکواش کے سابق عالمی چویمپئن جان شیر خان سے ملاقات ہوئی جس میں انہوں نے اسکواش چیمپئن کی صحت کے حوالے سے دریافت کیا۔
وزیراعظم نے جان شیر خان سے کہا کہ 'آپ نے پاکستان کا نام روشن کیا ہے، پوری قوم کو آپ پر فخر ہے، ملک میں اسکواش کے کھیل کو مقبول بنانے اور اس کھیل کے فروغ کے لئے آپ کی خدمات قابل قدر ہیں'۔
انہوں نے مزید کہا کہ نوجوانوں کو کھیلوں کے میدان اور اسپورٹس کی بہترین سہولیات کی فراہمی حکومت کی ترجیحات میں شامل ہیں۔