عاطف اسلم کے گانوں کی دُھن بجا کر گٹار بیچا کرتا تھا فلک شبیر
عاطف اور علی ظفر کے گانے سُن کر ہی انڈسٹری میں آیا ہوں انہیں بہت فالو کرتا تھا، فلک شبیر
فلک شبیر کا کہنا ہے کہ وہ اپنے کیرئیر کی شروعات سے پہلے عاطف اسلم کے گانے کی دُھن بجا کر گٹار بیچا کرتے تھے۔
حال ہی میں مشہور گلوکار فلک شبیر اپنی اہلیہ اداکارہ سارہ خان کے ہمراہ اردو فلکس کے پروگرام دی مرزا ملک شو میں شریک ہوئے۔
شو کے میزبان قومی کھلاڑی شعیب ملک اور ان کی اہلیہ ٹینس اسٹار ثانیہ مرزا نے فلک سے سوال کیا کہ انہیں عاطف اسلم کا کون سا گانا پسند ہے۔
جس پر گلوکار نے بتایا کہ انہیں عاطف اسلم کا مشہور ترین گانا 'عادت' بےحد پسند ہے اور گلوکار بننے سے پہلے جب وہ ایک چھوٹی سی دکان میں گٹار بیچا کرتے تھے تو عاطف اسلم کے اس گانے کی دھن بجا کر انہوں نے بہت گٹار بیچے۔
فلک شبیر نے کہا کہ یہ 2005 اور 2006 کی بات ہے جب عاطف اسلم اور علی ظفر کے گانے ہی مشہور تھے اور وہی گانے سن کر ہم انڈسٹری میں آئے ہیں۔
فلک شبیر کا کہنا تھا کہ وہ آج بھی عاطف اسلم کو فالو کرتے ہیں اور ماضی میں بھی وہ عاطف اسلم کو بہت زیادہ فالو کرتے تھے۔
یاد رہے کہ فلک شبیر نے 2008 میں میوزک انڈسٹری میں اپنے گانے 'روگ' سے ڈیبیو دیا ان کا یہ پہلا ہی گانا اس وقت کا سپر ہٹ گانا ثابت ہوا تھا۔