گوجرانوالہ میں پاک فوج کا مشاق طیارہ گرکرتباہ دونوں پائلٹ شہید

گزشتہ روز قلات کے قریب پاک فوج کے ایک ہیلی کاپٹر کو ہنگامی لینڈنگ کرنا پڑی تھی فوٹو: فائل

---

LONDON: پاک فوج کا مشاق طیارہ فنی خرابی کے باعث گر کر تباہ ہوگیا ہے جبکہ طیارے میں سوار دونوں پائلٹ شہید ہوگئے ہیں۔

آئی ایس پی آر کے مطابق گوجرانوالہ میں آرمی ائر بیس سے اڑنے والا طیارہ پرواز کے فوری بعد ڈی سی کالونی میں واقع کھیل کے میدان میں گر گیا جس کے ساتھ ہی طیارے میں آگ لگ گئی، حادثے کے نتیجے میں طیارے میں سوار دونوں پائلٹس شہید ہوگئے۔ واقعے کے فوری بعد ریسکیو 1122 کے رضاکار اور حساس ادارے کے اہلکارموقع پر پہنچ گئے جنہوں نے آگ پر قابو پایا۔

واضح رہے کہ گزشتہ روز قلات کے قریب بھی پاک فوج کے ایک ہیلی کاپٹر کو ہنگامی لینڈنگ کرنا پڑی تھی۔