بنگلہ دیش پریمئیر لیگ کون سے پاکستانی کرکٹرز کو لیگ کھیلنے کی اجازت مل گئی

بنگلہ دیش پریمیئر لیگ( بی پی ایل) میں شریک پاکستانی کرکٹر کو ایونٹ کھیلنے کی مشروط اجازت مل گئی۔

میڈیا رپورٹس کے مطابق پاکستان سپر لیگ (پی ایس ایل) کھیلے والے وہ قومی کرکٹرز جو 5 فروری کے نمائشی میچ کا حصہ نہیں ہیں انہیں 8 فروری تک لیگ کھیلنے کی اجازت دیدی گئی ہے تاہم نمائشی میچ کھیلنے والے تمام کھلاڑیوں کو 2 فروری تک طلب کرلیا گیا ہے۔

قبل ازیں پی سی بی مینجمنٹ کمیٹی کے چیئرمین نجم سیٹھی نے بنگلہ دیش پریمئیر لیگ میں شریک کرکٹرز نمائشی میچ شرکت کیلئے وطن واپس آجائیں تاہم کچھ کرکٹرز نے معذرت کرلی تھی جس پر تمام کھلاڑیوں کی درخواست مسترد کردی گئی تھی اور کہا گیا تھا کہ ملک کی خاطر غیرملکی لیگ چھوڑنی پڑے گی۔


مزید پڑھیں: بنگلہ دیش لیگ چھوڑیں نمائشی میچ کھیلیں، بورڈ کا کرکٹرز کو الٹی میٹم

تاہم پی سی بی نے واپس بلانے کی پالیسی کا از سر نو جائزہ لیا جس کے بعد فیصلہ کیا گیا کہ پی ایس ایل نہ کھیلنے والے کرکٹرز پر وطن واپسی کی کوئی پابندی نہیں ہوگی۔

واضح رہے کہ پاکستان سپر لیگ کے 8 ویں ایڈیشن کے میچز 13 فروری سے شروع ہوں گے جبکہ کوئٹہ گلیڈی ایٹرز اور پشاور زلمی کے مابین نمائشی میچ 5 فروری کو بلوچستان کے بگٹی کرکٹ اسٹیڈیم میں کھیلا جائے گا۔