مسافر کے پیٹ سے ہیروئن بھرے کیپسول بر آمد

ملزم محمد رضوان کو باقائدہ گرفتار کر کے اسپتال منتقل کردیاگیا۔ فوٹو: ایکسپریس/فائل

---

GALLE: اینٹی نارکوٹکس فورس (اے این ایف) نے قائد اعظم انٹر نیشنل ائیر پورٹ سے ایک مسافر کو گرفتار کر کے اس کے پیٹ میں چھپائے گئے ہیروئن سے بھرے کیپسول بر آمد کرلیے۔

اے این ایف ترجمان کے مطابق کراچی سے تھائی لینڈ جانے والے مسافر رضوان کو اے این ایف کے عملے نے مشتبہ جان کر اس سے پوچھ گچھ کی اور تسلی بخش جواب نہ دینے پر اس کی تلاشی اور اسکینگ کی گئی تو اس کے پیٹ میں ہیروئن سے بھرے کیپسول موجود ہونے کا انکشاف ہوا جس پر ملزم محمد رضوان کو باقائدہ گرفتار کر کے اسپتال منتقل کیا گیا جہاں اس کے پیٹ میں چھپائے گئے ہیروئن سے بھرے کیپسول بر آمد کرتے ہوئے منشیات کی بیرون ملک اسمگلنگ ناکام بنادی گئی ۔