کوک اسٹوڈیو انڈیا کی آٹھ برس کے وقفے کے بعد 50 سے زائد فنکاروں کے ساتھ واپسی ہوئی ہے۔

شہرہ آفاق میوزک شو کی جانب سے نئے سیزن کا پہلا گیت سات فروری کو ریلیز کیا جائے گا۔

بھارتی میڈیا کے مطابق کوک اسٹوڈیو انڈیا شو کا ری لانچ پریمیئر 7 فروری کو ہوگا اور نئے سیزن میں نیا ٹیلنٹ سامنے لایا جائے گا۔

رواں برس جنوری میں کوک اسٹوڈیو نے اعلان کیا تھا کہ وہ تامل ایڈیشن کے ساتھ اپنی واپسی کررہے ہیں۔

کوک اسٹوڈیو انڈیا کا آغاز 7 جون 2011 کو ایم ٹی وی انڈیا پر ہوا تھا اور یہ چار سیزن پر مشتمل تھا۔