پلئیر آف دی منتھ نامزد ہونیوالے فٹبالر کو ’’مچھلی‘‘ کا انعام

انہوں نے 7 میچز میں 3 گولز اسکور کیے، پوائنٹس ٹیبل پر کلب کی تیسری پوزیشن (فوٹو: ای ایس پی این)

---

اسپینش فٹبال کلب ریال سوسیڈاڈ نے رواں سال جنوری کے لیے پلئیر آف دی منتھ نامزد ہونے والے کھلاڑی کو ایک ''مچھلی'' کا انعام دیدیا گیا۔

ناروے سے تعلق رکھنے والے انٹرنیشنل فٹبالر الیگزینڈر سورلوتھ نے گزشتہ سیزن میں کلب کی نمائندگی کرتے ہوئے 7 میچز میں تین گول کیے جس کے باعث ایمانول الگواسیل کی ٹیم تیسرے نمبر پر آگئی۔

الیگزینڈر سورلوتھ کی متاثر کن پرفارمنس کا جشن منانے کیلئے کلب نے سپر مارکیٹ کے دورے کا اہتمام کیا، شائقین اور کرسٹل پیلس کے میزبان سے قبل عملے کی ایک رکن نے انہیں مچھلی کے ایوارڈ سے نواز دیا۔

مزید پڑھیں: فٹبال لیگ؛ مین آف دی میچ کو انڈوں کے 5 کریٹ کا انعام

یہ پہلا موقع نہیں جب سوسیڈاڈ کے کسی پلئیر کو اس طرح کے انعام سے نوازا گیا ہو، ستمبر 2019 میں مارٹن اوڈیگارڈ کو بھی مچھلی پیش کی جاچکی ہے۔

ناروے سے تعلق رکھنے والے انٹرنیشنل فٹبالر الیگزینڈر سورلوتھ کو بنڈس لیگا کیلئے اسپینش فٹبال کلب ریال سوسیڈاڈ نے آر بی لیپزگ سے لیا تھا۔