روشن مثالپاکستانی نے زلزلہ متاثرین کی خاموشی سے اربوں روپے کی امداد کردی

پاکستانی نے اپنا نام بتائے بغیر ترک سفارت خانے میں 30 ملین ڈالرز امدادی رقم دیدی

ویب ڈیسک February 11, 2023

پاکستانی نے 30 ملین ڈالرز کی رقم ترک سفارت خانے میں جمع کرادیے، فوٹو: فائل

ترکیہ میں 6 فروری کو آنے والے زلزلے میں 28 ہزار سے زائد ہلاکتیں ہوچکی ہیں اور لاشیں ملنے کا سلسلہ تاحال جاری ہے ایسے میں دنیا بھر سے امداد بھی کی جا رہی ہے تاہم ایک پاکستانی نے متاثرین کی عزت نفس کا خیال رکھتے ہوئے شاندار طریقے سے امداد کی نئی مثال قائم کردی۔

ٹی آر ٹی نیوز کے مطابق امریکا میں ترک سفارت خانے میں آکر ایک پاکستانی شخص نے زلزلہ متاثرین کی امداد کے لیے 30 ملین ڈالرز جو پاکستانی 8 ارب اور 50 کروڑ بنتے ہیں،خاموشی سے عطیہ کردیے۔

یہ خبر پڑھیں : ترکیہ و شام زلزلے کی درد ناک تصاویر وائرل؛ ہر آنکھ اشکبار

پاکستانی شخص نے سفارت خانے کے عملے کو اپنی شناخت بھی ظاہر نہیں کی۔ وہ چاہتا تھا کہ اس کی امداد متاثرین تک ایسے پہنچے کی ایک ہاتھ دے تو دوسرے کو خبر تک نہ ہو۔

Deeply moved by the example of an anonymous Pakistani who walked into Turkish embassy in the US & donated $30 million for earthquake victims in Türkiye & Syria. These are such glorious acts of philanthropy that enable humanity to triumph over the seemingly insurmountable odds.
— Shehbaz Sharif (@CMShehbaz) February 11, 2023

نام و نمود کی لالچ سے عاری پاکستانی شہری کے جذبہ ہمدردی کو عالمی سطح پر سراہا جا رہا ہے اور ترکیہ کے اعلیٰ حکام نے بھی خاموش مددگار کا شکریہ ادا کیا۔

وزیراعظم شہباز شریف نے بھی اپنی ٹوئٹ میں پاکستانی شہری کے جذبہ خدمت کو شاندار الفاظ میں سراہا۔