ترکیہ104 گھنٹے بعد ملبے سے تلاوت کرتا ہوا شخص زندہ مل گیا

ترکیہ میں ملبے تلے دبے ایک شخص کو 104 گھنٹوں بعد اس حال میں زندہ نکالا گیا کہ قرآن پاک کی روشن آیات اس کے زبان پر مسلسل جاری تھیں۔

عالمی خبر رساں ادارے کے مطابق ترکیہ میں آنے والے زلزلے میں ہلاکتوں کی تعداد 20 ہزار کے قریب پہنچ گئی ہے اور اب بھی لاشیں ملنے کا سلسلہ جاری ہے تاہم اس دوران ایسے معجزات بھی سامنے آرہے ہیں کہ عقل دنگ رہ جاتی ہے۔

ایسے ہی ایک واقعے میں 104 گھنٹے بعد 47 سالہ شخص کو ملبے سے زندہ نکال لیا گیا۔ ریسکیو اہلکار ملبہ ہٹا کر جب اس تک پہنچے تو اس کی آنکھیں بند تھیں اور وہ ملبے میں بری طرح دبے ہونے کے باوجود تلاوت کلام پاک میں مشغول تھا۔


یہ خبر پڑھیں : ترکیہ و شام زلزلے کی درد ناک تصاویر وائرل؛ ہر آنکھ اشکبار

یہ خبر بھی پڑھیں : روشن مثال؛پاکستانی نے زلزلہ متاثرین کی خاموشی سے اربوں روپے کی امداد کردی

ریسکیو اہلکاروں نے 47 سالہ شخص کو بحفاظت نکالا اور اسپتال منتقل کردیا جہاں انھیں طبی امداد فراہم کی جارہی ہے۔ ڈاکٹرز کا کہنا ہے کہ مذکورہ شخص کی حالت خطرے سے باہر ہے۔