کراچی 8 سالہ بچہ زیر زمین پانی کے ٹینک میں ڈوب کر جاں بحق

گلستان جوہر بلاک 10 میں ایک بچہ عمارت کے زیر زمین پانی کے ٹینک میں ڈوب کر جاں بحق ہو گیا۔

ایکسپریس نیوز کے مطابق کراچی کے علاقہ گلستان جوہر کے بلاک 10 میں آٹھ سال کا بچہ عمارت کے زیر زمین پانی کے ٹینک میں ڈوب کر جاں بحق ہو گیا۔


ایدھی ذرائع کا کہنا ہے کہ متوفی کی شناخت 8 سالہ محمد ارشد کے نام سے ہوئی جب کہ بچے کی لاش ایدھی سرد خانہ سہراب گوٹھ منتقل کردی گئی ہے۔

دوسری جانب پولیس نے اطلاع ملتے ہی ضابطہ کی کارروائی مکمل کرلی اور افسوسناک حادثے کے حوالے سے تفتیش کا آغاز کر دیا ہے۔