سوناکشی کے دل میں ہالی ووڈ اداکاروں کے ساتھ کام کی خواہش مچلنے لگی

اینی میٹڈ تھری ڈی فلم 'ریو2' پاکستان اور امریکا سمیت دیگر ممالک میں 11 اپریل کو ریلیز کی جا رہی ہے، بالی ووڈ اداکارہ۔ فوٹو: فائل

---

ہالی ووڈ کی اینی میٹیڈ تھری ڈی فلم 'ریو2' میں اپنی آواز ریکارڈ کرانے والی بالی ووڈ کی دبنگ اداکارہ سوناکشی سنہا کے دل میں ٹام کروز، بریڈ پٹ اور جارج کلونی کے ساتھ کام کرنے کی خواہش مچلنے لگی۔

بھارتی میڈیا رپورٹس کے مطابق سوناکشی سنہا کا میڈیا سے گفتگو کرتے ہوئے کہنا تھا کہ ہالی ووڈ فلم کی اینی میٹڈ تھری ڈی فلم 'ریو 2' میں کام کرکے بہت مزہ آیا، اگر موقع ملا تو ٹام کروز، بریڈ پٹ اور جارج کلونی کے ساتھ کام کرنا پسند کروں گی۔

واضح رہے کہ ہالی ووڈ کی اینی میٹڈ تھری ڈی فلم 'ریو2' پاکستان اور امریکا سمیت دیگر ممالک میں 11 اپریل کو ریلیز کی جا رہی ہے۔