بلوچستان مشکوک گاڑی روکنے پر فائرنگ پولیس اہلکار جاں بحق
مسلح ملزمان پولیس پر فائرنگ کے بعد فرار ہو گئے، اہل کار کی لاش پوسٹ مارٹم کے لیے اسپتال منتقل
بلوچستان کے ضلع دکی میں مشکوک گاڑی روکنے پر مسلح افراد نے پولیس پر فائرنگ کردی، جس سے ایک اہل کار جاں بحق ہوگیا۔
پولیس کےمطابق دکی میں پولیس نے ایک مشتبہ گاڑی کو روکنے کی کوشش کی، جس پر کار میں سوار مسلح افراد نے پولیس پر فائرنگ کردی، جس کے نتیجے میں ایک اہل کار جاں بحق ہوگیا۔
واقعے کے بعد ملزمان فرار ہونے میں کامیاب ہو گئے۔ پولیس نے مقتول اہل کار کی لاش پوسٹ مارٹم کے لیے اسپتال منتقل کرکے واقعے کی تفتیش شروع کردی ہے۔