کراچی 9 روز سے لاپتہ 6 سالہ بچے کی لاش نالے سے مل گئی
پوسٹ مارٹم رپورٹ آنے کے بعد وجہ موت کا تعین ہوسکے گا، ایس ایچ او مبینہ ٹاؤن
متوفی بچہ 6 سالہ عبدالرحیم ( فوٹو: ایکسپریس)
گلشن اقبال میں 9 روز سے لاپتہ 6 سالہ بچے کی لاش نالے سے مل گئی۔
ایس ایچ او مبینہ ٹاؤن رضوان خان نے بتایا کہ بچے کی لاش حاجی لیمو گوٹھ نیو دھوراجی بلاک 3 میں نالے سے ملی جس کی شناخت 6 سالہ عبدالرحیم ولد اعجاز حسین کے نام سے کی گئی۔
پولیس کا کہنا ہے کہ عبدالرحیم 5 فروری سے لاپتہ تھا اور اس کی گمشدگی کا مقدمہ مبینہ ٹاؤن پولیس نے درج کرکے انویسٹی گیشن پولیس کے حوالے کیا تھا۔
پولیس کے مطابق متوفی کے اہلخانہ پوسٹ مارٹم کرانے سے گریز کر رہے تھے تاہم پولیس کے سمجھانے پر راضی ہوگئے، جس کے بعد ایم ایل او نے لاش کا پوسٹ مارٹم کرکے اجزا کیمیکل کیلئے محفوظ کرلیے ہیں جس کی رپورٹ آنے کے بعد ہی موت کی وجہ سامنے آئے گی۔
ایس ایچ او مبینہ ٹاؤن نے بتایا کہ بچے کی لاش 9 روز پرانی ہے اور اس بات کا تعین نہیں ہو سکا کہ بچے کو تشدد کا نشانہ بنایا گیا ہے یا نہیں تاہم ابتدائی طور پر واقعہ بچے کے اغوا کا بتایا گیا تھا جس کے مطابق پولیس نے 363 اے کی دفعہ کے تحت مقدمہ درج کرلیا تھا۔
بچے کی لاش تدفین کے لیے آبائی علاقے چکوال لے جائی جائے گئی، انویسٹی گیشن پولیس واقعہ کی مزید تحقیقات کر رہی ہے۔
ایس ایچ او مبینہ ٹاؤن رضوان خان نے بتایا کہ بچے کی لاش حاجی لیمو گوٹھ نیو دھوراجی بلاک 3 میں نالے سے ملی جس کی شناخت 6 سالہ عبدالرحیم ولد اعجاز حسین کے نام سے کی گئی۔
پولیس کا کہنا ہے کہ عبدالرحیم 5 فروری سے لاپتہ تھا اور اس کی گمشدگی کا مقدمہ مبینہ ٹاؤن پولیس نے درج کرکے انویسٹی گیشن پولیس کے حوالے کیا تھا۔
پولیس کے مطابق متوفی کے اہلخانہ پوسٹ مارٹم کرانے سے گریز کر رہے تھے تاہم پولیس کے سمجھانے پر راضی ہوگئے، جس کے بعد ایم ایل او نے لاش کا پوسٹ مارٹم کرکے اجزا کیمیکل کیلئے محفوظ کرلیے ہیں جس کی رپورٹ آنے کے بعد ہی موت کی وجہ سامنے آئے گی۔
ایس ایچ او مبینہ ٹاؤن نے بتایا کہ بچے کی لاش 9 روز پرانی ہے اور اس بات کا تعین نہیں ہو سکا کہ بچے کو تشدد کا نشانہ بنایا گیا ہے یا نہیں تاہم ابتدائی طور پر واقعہ بچے کے اغوا کا بتایا گیا تھا جس کے مطابق پولیس نے 363 اے کی دفعہ کے تحت مقدمہ درج کرلیا تھا۔
بچے کی لاش تدفین کے لیے آبائی علاقے چکوال لے جائی جائے گئی، انویسٹی گیشن پولیس واقعہ کی مزید تحقیقات کر رہی ہے۔