ایلون مسک نے ٹوئٹر کا سی ای او ایک کتے کو بنادیا؛ فوٹو: ٹوئٹر
دنیا کے امیر ترین شخصیات میں سے دوسرے نمبر پر براجمان ایلون مسک جو نامور امریکی کمپنیوں ٹیسلا اور اسپیس ایکس کے چیف ایگزیکٹیو آفیسر بھی ہیں اور حال ہی میں ٹوئٹر کو خرید کر اس کے چیف بن گئے ہیں نے ٹوئٹر کے سی ای او کا اعلان کردیا۔
ایلون مسک نے اپنی ٹوئٹ میں ایک کتے کی تصویر شیئر کی جس کی شرٹ کے ایک کالر پر ٹوئٹر اور دوسری پر سی ای او لکھا ہے اور وہ کتا ایک لگژری آفس کی پالیسی ساز کرسی پر بیٹھا ہے۔ انھوں نے لکھا کہ اس کے پاس زیادہ بڑے نمبرز ہیں۔
He’s great with numbers! pic.twitter.com/auv5M1stUS
— Elon Musk (@elonmusk) February 15, 2023
اس کے علاوہ اپنی ایک اور ٹوئٹ میں ایلون مسک نے ایک کتے کی تصویر شیئر کی جس نے سیاہ رنگ کی ٹی شرٹ پہنی ہوئی ہے اور اس پر سی ای او لکھا ہوا ہے۔ انھوں نے تصویر کے ساتھ کیپشن لکھا کہ ٹوئٹر کے نئے سی ای او حیرت انگیز ہیں۔
So much better than that other guy!
— Elon Musk (@elonmusk) February 15, 2023
اپنی اس ٹوئٹ کے تسلسل میں ایلون مسک نے مزید لکھا کہ یہ سی ای او پچھلوں سے بہتر ہے۔
یہ خبر پڑھیں : کیا ٹوئٹر کی سربراہی چھوڑ دوں؟ ایلون مسک نے عوام سے رائے مانگ لی
غالباً یہ طنز ایلون مسک نے ٹوئٹر کے بھارتی نژاد سابق سی ای او پراگ اگروال پر کیا ہے۔ ایلون مسک نے ٹوئٹر کی سربراہی سنبھالتے ہی پراگ اگروال سمیت 4 اعلیٰ عیدہداروں کو برطرف کردیا تھا۔
ایلون مسک نے ٹوئٹر کی سربراہی سنبھالتے ہی جہاں انتظامیہ تبدیل کی وہیں پالیسی میں کئی ایسی تبدیلیاں کیں جن سے صارفین خوش نہیں۔ یہاں تک کہ ایک بار ایلون مسک نے صارفین سے رائے بھی لی کہ کیا مجھے ٹوئٹر کی سربراہی چھوڑ دینی چاہیے جس پر 58 فیصد نے ہاں میں جواب دیا تھا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔